獲影帝加持！炎明熹獨特爆炸力 任達華撩合作

任達華、溫碧霞、劉心悠、「聲夢小花」炎明熹（Gigi）與姚焯菲等前晚出席港台活動，港台創作總監馬浚偉亦與多位高層現身。早前於內地逗留約8個月的任達華透露已返港數天，會跟家人過元旦及農曆新年，他點名讚Gigi唱歌好聽及有演戲天分：「佢內心有個爆炸力，好獨特，希望畀多啲機會佢拍戲。佢行出嚟好有氣勢，年輕又有活力，我當然想同佢合作。」而Gigi表示看過任達華的電影，大讚對方有型有款，說話風趣。

提到愛女任晴佳最近被拍得與年輕男士登上同一座駕，任達華表示2人不是拍拖，只是與幾名同學一齊買禮物：「佢哋由細玩到大，我都識個男仔。我好open，但要讀書先。（讀完大學先拍拖？）係，囡囡有分寸，我唔擔心，佢乜都會同我分享。（囡囡多人追？）我唔知，佢鍾意讀書多啲。」而溫碧霞笑言不可以對小朋友太嚴，否則會更反叛：「畀小朋友自由好啲，當然都要教。」並自爆喜歡姜濤，讚他性格討人喜愛，希望可以跟他合作。

而馬浚偉透露會擔任電視電影與劇集的總監製，與劉心悠一齊飾演大學教授。問到會否邀Gigi及姚焯菲演出？他說：「佢哋已經上咗我個音樂節目，佢哋放咗學都可以嚟客串。」問到跟劉心悠可有感情戲？他笑言：「我搵得佢梗係有，不過唔會加親熱戲。」