陳曉華得償所願 生日開工 何廣沛被爆鹹網粉絲做埋VIP

吳業坤對劇集收視、口碑不俗感高興，他笑說：「自己一直都多負評，今次冇收到負評已經覺得係獎勵，出街仲有人叫我劇中醫生名。」對於好友姜麗文奪得「飛躍進步女藝員」，他大感高興，讚賞她就算飾演工人姐姐也沒有hea做，最終成功入屋，不過他自言似乎與公司的演藝獎項無緣，會專心唱歌。

另外，何廣沛在網上頻道被老友方紹聰（奶仔）踢爆曾是成人網站VIP會員，奶仔笑說：「講起AV，阿廣話佢嗰陣時喺美國，join咗一個好出名嘅網站VIP，佢都有share畀我，但最嬲係畀人hack（入侵）咗。佢話嗰陣特價買，其實想問VIP係咪多啲嘢睇？」何廣沛即勁尷尬面都紅埋，奶仔繼續踩多腳：「等你生日再買畀你喇，唔好再畀人hack喇。」他又取笑郭子豪女友鄧卓殷似學生妹，估計對方鍾意看校園類AV。