內地播新劇宣傳片傅嘉莉事業線被封殺

由張兆輝、吳卓羲及馬國明等主演的邵氏劇集《飛虎之壯志英雄》最近在內地平台播出，大獲好評，不過有網友發現劇集在內地短片平台宣傳時疑受制於「限奶令」，例如傅嘉莉身穿低胸晚裝被「捽」走事業線，陳瀅與黃宗澤同床共枕也一樣被遮，就連黃宗澤一身肌肉也要打格。

傅嘉莉表示很開心劇集點擊率非常高，對於性感造型被「做手腳」，她笑言：「打咗格仔增加神秘感，角色嘅造型我好鍾意，造型師都話我嘅角色係花咗最多時間去挑選衣服，記得拍攝嗰場戲都有好多演員，我自己都有啲怕醜，加上商場冷氣好大，都驚自己會感冒，但係為咗美艷效果，都要頂硬上！」至於有傳她約滿後不續約無綫，她就未有回覆。