娛樂

炎明熹捧獎無忌諱 姚焯菲憂難服眾 甘心被騎住

Chantel(左)與Gigi同樣受歡迎,邊個得獎都開心。 Chantel(左)與Gigi同樣受歡迎,邊個得獎都開心。
Chantel(左)與Gigi同樣受歡迎,邊個得獎都開心。
《聲夢》人氣王炎明熹(Gigi)及姚焯菲(Chantel)前晚跑兩場,亮相頒獎禮後即飛奔到中環演出新年騷。對於Gigi奪「生力軍女歌手」銀獎,得銅獎的Chantel表示心服口服,更笑言如果賽果掉轉才不合理!
無綫節目《聲夢傳奇》出身的Gigi及Chantel,前晚在《叱咤》頒獎禮分別奪「生力軍女歌手」銀、銅獎,緊接就趕往中環為NEW TV主辦的《聲夢維港Party Together演唱會2022》演出。Gigi指得獎感言講不完:「對我好嘅人實在太多,多謝一直支持我嘅各位,大家都好錫我,在心中啦!(想繼續喺頒獎禮掃獎?)獎梗係想攞,但順其自然。」談到頒獎禮由ViuTV轉播,她與Chantel得獎時卻公開多謝無綫,她說:「咁TVB真係我公司,有啲嘢需要講就講,唔會覺得尷尬。」
同樣有獎落袋的Chantel表示:「上次得獎冇準備好,所以今次有諗定講乜,點知個腦都係空白一片,好多人冇多謝,包括記者同『小菲象(粉絲)』。」談到年僅15歲的她被指是樂壇頒獎禮最年輕得獎者,她說:「大家唔好開心住,因為隨時有其他新人入行,可能嚟緊會有個得9歲呢!」對於由比賽開始已接連「輸」給Gigi,她笑說:「如果我攞金,佢攞銀,咁先至唔合理!」
戴祖儀中毒變豬蹄
同場的菊梓喬繼續否認與吳卓羲的戀情,但承認前晚對方全家捧場。問到有否與男方父母見面?她說:「冇,但有見到佢家姐,好靚呀!(係咪會有消息公布?)都係專心唱歌,但希望虎年行桃花運,因為呢行需要。(覺得吳卓羲點樣?)係一位好、好、好嘅大前輩,心地好好。」
至於有腳傷的戴祖儀演出後要人攙扶落台,更要撐拐杖行去後台。穿平底鞋的她掀起長裙時驚現「鴛鴦腳」,右腳發炎紅腫,她透露因為敷藥太密導致中藥中毒,正接受抗生素治療。
戴祖儀帶傷上陣,腳踝腫到變豬蹄。戴祖儀帶傷上陣,腳踝腫到變豬蹄。
戴祖儀帶傷上陣,腳踝腫到變豬蹄。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500