七魔女齊人！佘詩曼餵飽梁靖琪囝囝

視后佘詩曼近日返香港過佳節，參加好姊妹梁靖琪（Toby）囝囝的2歲生日P，「七魔女」成員湯盈盈、周家蔚、鍾麗淇、姚樂怡及文頌嫻齊人現身。Toby於社交網上載派對照，以及阿佘不停餵小朋友吃東西的片段，留言：「佘姐姐，你今日仲有咩未畀佢試？又棉花糖，又雪糕，開心過去遊樂場……咁你冇得咁易鬆人啦，佢成個心都喺你度，你成功啦，不過你走唔甩！」