宋宛穎被批桃花旺姻緣遲啲諗

薛家燕、宋宛穎、周志康、玄學家李居明、李丞責、麥玲玲等昨日在將軍澳電視城為無綫節目《新春開運王》進行拜神儀式，首度主持節目的宋宛穎被薛家燕大讚口齒伶俐，問到可會向師傅攞運程貼士？宋宛穎說：「會問吓事業同健康，自己啱啱入行，姻緣唔諗住，過多兩三年先。不過，師傅話屬兔嘅人明年桃花運好旺，但係依家冇拍拖，觀眾緣都係桃花運嚟嘅！」師姐陳庭欣聞言指自己也是屬兔，卻無意中洩露了年齡的秘密，陳庭欣笑說：「我唔會大你12年啩，我哋應該係同一個兔年嚟，哈哈。」

薛家燕獲傳抱孫秘訣

陳庭欣自言會趁着做節目向師傅問來年運程，她說：「想問吓健康、事業，唔會問姻緣喇，上年年初四玲玲師傅話我會分手，建議我嫁去外國，呢啲係師傅另一番見解，講咗睇吓我哋聽唔聽。」

大師李居明則爆薛家燕恨追多個孫女，指點其兒子及新抱要在凌晨3點行房，薛家燕笑說：「好彩係半夜，如果晏晝返緊工就唔知點算。」大師又指薛家燕的姻緣運要到2028年才出現真命天子。