5強候選人盛裝拍場刊 鍾嘉欣隔離出關 拉票爭視后

無綫《萬千星輝頒獎典禮2021》下月2日於電視廣播城隆重舉行，今年頒獎禮除了提前選出各獎項5強外，當晚更會新增由現場傳媒投票的「最佳衣着藝人」，各獎項的5強候選人日前盛裝拍攝頒獎禮場刊，包括李佳芯、林夏薇、黃智雯、鍾嘉欣、姚子羚、周嘉洛、胡鴻鈞、滕麗名、張頴康、泰臣、朱敏瀚、陳自瑤等。視后熱門人選鍾嘉欣雖然曾表示今次返港主要是辦理私人事，之後便返加拿大，不過完成隔離不久，她趕到拍攝現場，落力拉票。她又於社交網上載跟好姊妹李亞男（Leanne）的合照，留言：「一對一的美好時光，謝謝Leanne，你永遠是我的天使。」

今年視后5強候選人均惺惺相惜，姚子羚表示：「另外4位我都好喜歡同欣賞，佢哋好努力、優秀，我覺得邊個攞獎都好開心。」林夏薇表示正努力物色戰衣：「因為拍緊劇，我未有好多時間試，希望出到嚟係端莊又靚。」至於入圍「最受歡迎電視女角色」、「最佳女配角」及「飛躍進步女藝員」5強的姜麗文坦言嚇親：「好驚喜、好感恩，信心我唔敢講，因為事實上其他候選人我都好尊重同欣賞，我當然想攞獎啦，但唔代表應該攞到。」

另外，處境劇《愛．回家之開心速遞》獲多項提名，憑「金城安」一角入圍「最受歡迎電視男角色」的周嘉洛坦言心情興奮：「我好開心同媽媽（滕麗名）一齊入圍『最受歡迎角色』。」至於擅長搞笑的陸永表示打定輸數：「我梗係冇機會啦，一嚟對手強，二嚟我個人弱！」而入圍「男配角」的張頴康笑言原本打算問劇組借戰衣：「有問過劇組我有套結婚嘅禮服可唔可以借嚟出席頒獎禮，但我返去同我太太講，佢叫我唔好咁。」