朱潔儀日日收花 享受曖昧

前港姐朱潔儀昨日出席「全球水墨畫大展2021」展出畫作，透露花了一個月完成，靈感來自一位追求者：「呢個男仔呢年幾以嚟日日送花畀我，又傳短訊噓寒問暖，但冇真正表白過，關係好曖昧。呢個階段令人如癡如醉，仲好浪漫。（佢符合你嘅條件？）要再了解吓，作為男方應該主動。（你試探吓佢囉！）唔需要，咁大個人仲摸嚟摸去，睇緣分啦！（如果佢做主動，你會畀機會？）咁我都仲有其他追求者，有啲含蓄、有啲好急進，一嚟就直接叫我做佢太太，我當然拒絕。」雖然仍是單身，但她坦言不心急拍拖。