劉偉強點評：佢係衰仔 余文樂認臭脾氣 片場鬧導演

劉偉強相當直接，表示：「佢其實係幾衰仔，『衰仔』嘅意思唔一定係壞人，最基本係孝順父母、尊重前輩，呢啲佢做得幾好嘅，係值得欣賞嘅人。」鄭保瑞則指樂仔脾氣大：「40歲，大個喇！脾氣要收啲，但我覺得已經收咗好多，性格就冇得改，睇時間啦！」

樂仔很開心看到各人拍攝的片段，又自認脾氣壞，他說：「見到我好尊重、好耐冇見嘅人，感覺好開心，講我好或唔好都冇差別，本來就知道自己有缺點。我最壞脾氣就係拍佢哋嘅戲，喺現場都係互鬧，我受唔到就會覺得好委屈，我哋喺片場係咁樣長大嘅。我自問真係有缺點，控制情緒非常差，依家同以往相比已經好咗好多倍，我回頭望真係唔好意思。」對於事業、家庭及朋友，以至整個人生，他表示：「唔敢話係成功，但完全唔會有遺憾。唔覺得有蝕，一直都係賺。」