李靖筠《勁爆》開齋 吳浩康被紅館「彈鐘」8次

英皇歌手許靖韻（Angela）、李靖筠（Gladys）與吳浩康（Deep）前晚在《勁爆》得獎，可喜可賀！首度參與《勁爆》便有斬獲的Gladys，感覺意外又驚喜：「冇諗過會有獎拎，好多謝音樂班底！」Angela最開心與林家謙齊齊攞唱作人獎，希望將來再合作，又主動提起鍾雨璇暈低一事，猶有餘悸說：「佢企喺我後面，突然跌低，個頭落地砰一聲，真係嚇親！」有份抬雨璇落台的Deep，坦言當時腦海一片空白，又擔心對方走光，幸好現場有曾任職註冊手術室護士的艾妮幫忙做指揮。