百忙抽空陪細佬冼靖峰難兄難弟撐枱腳吹水

「聲夢」學員冼靖峰（Archie）於聖誕及新年的黃金檔忙個不停，出席活動、快閃兼綵排，日日chur到盡冇息休，即使弟弟放假亦無暇相伴，由於兩兄弟一向感情要好，難怪Archie心存歉意。昨日他忙裏偷閒，被讀者發現晨早現身荃灣一餐廳，與弟弟撐枱腳。

明顯「唔夠瞓」的Archie仍頻頻打開話匣子與弟弟閒聊，期間被食客認出，他報以微笑，態度友善。約1小時後，2人結帳離開，到附近街市買餸，生活十分貼地。

據知，年約18歲的冼弟剛進大學，Archie早前公開全家福後，弟弟被讚有「明星相」，不過他無意入行，選擇跟哥哥一樣修讀商科。對於兩兄弟撐枱腳，Archie受訪時表示：「呢排真係冇時間陪佢，咁啱今晚父母去staycation，我又要綵排演唱會，得番佢一個，惟有買定啲餸等佢自己搞掂，所以食材都以簡單為主。」

姚焯菲冇錢落袋

另外，「聲夢」學員姚焯菲（Chantel）及孫漢霖昨日出席慈善演唱會，談到Chantel近日頻頻接job，被記者取笑是小富婆，她笑言：「我冇錢，全部畀父母keep住咋。（想買乜獎勵自己？）我有嘢食就得，之前買咗包朱古力想送畀同學，結果畀我食晒。」而孫漢霖直言新一年希望多學技能例如烹飪，相信有助日後拍劇。