雷有輝唔抵得兒子畀女圍

太極樂隊成員雷有輝（Patrick）為聖誕節推出新歌《女同學》，日前出動愛兒雷瑋陶（Matt）客串拍MV，演繹年輕時的自己周旋於多位女同學中。他笑言故事純屬虛構，自言讀書時期並不風流：「當年我係出名專一，只不過阿仔比我有型，佢值得畀10個女仔圍住，所以MV佢先係主角。但每一場最後都要畀人打一巴，我叫佢哋大力啲打落去，咁先真實嘛！」他指囝囝現時單身，又爆老婆以到場探班打氣為名，「揀新抱」為實。Matt則表示今次是做「義工」演出，笑言會專一對女友，不似爸爸般「花心」。