昔日東方羅子溢一家四口晒溫馨 洪永城迎福星降生 險斷手
藝人洪永城昨日宣布太太梁諾妍已「卸貨」，B女出世！昨日他在網上發文，透露重6.2磅的B女名叫Amber：「佢係一個福星，帶咗好多快樂畀我哋，可以同我哋過冬至、聖誕節、新年同農曆新年，佢出世係Perfect Timing。」並搞笑地代入女兒，以第一身留言：「我一出世，姐姐同叔叔就話：『嘩，好似爸爸呀！』跟住我望望爸爸媽媽，我有唔開心，因為我想似媽媽多少少，媽媽好靚。」梁諾妍生產過程歷時14小時，期間催生了兩次，洪永城一直守在身旁做太太的「出氣袋」，一痛就緊握其手臂借力及發洩，扭到他幾乎斷手！
梁諾妍跟B女大喊
梁諾妍發文感謝醫生及護士，當然不少得老公，她說：「最重要多謝洪生（隻手）的陪伴，每當我作動時痛到又暈又想嘔，真係差啲扭斷佢隻手，辛苦你了！分享一下生產過程先，由於催生藥幫助唔到我開宮頸，痛咗10幾個鐘逼到羊水都穿埋，宮頸都唔肯開，醫生話避免寶寶危險就要開刀，最後母女平安。寶寶很健康，寶寶出生後就即刻喊，連埋我跟住大喊咗出嚟，見到洪寶寶平安地出生，甚麼痛楚都唔緊要了。」
另外，早前與楊茜堯喜獲麟兒的羅子溢，昨日受訪時指B仔出世時重7磅多：「比起大女出世嗰陣胃口好啲，但無論湊仔定湊女，都一樣係咁攰！」他更在網上分享全家福，感激太太的辛勞：「太太同時要照顧心心，又要打理各方面嘅事情，要好感激太太嘅一切一切，當細佬出世嘅時候，睇到心心有微妙嘅轉變，感覺佢突然長大，可能感受到自己係姐姐，睇到佢主動摸細佬、錫細佬，我同太太都好感動。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
