古天樂宣萱有望合唱情歌

古天樂（古仔）、宣萱、鄭嘉穎、黃宗澤（Bosco）與謝天華等，前晚出席電影《G風暴》慈善首映，古仔表示對票房充滿信心，指該片拍了2個Ending：「另一個結局隱喻我未死，拍多個係想保險啲，係可以再繼續拍落去。不過最後揀咗上映個版本，覺得係最好，作為一個完結。」而宣萱笑言今次角色不用做人質，但被人追殺時需着高跟鞋喪跑，因之前曾拗柴，擔心影響拍攝，幸劇組安排她先拍文戲，讓她有時間養好腳傷。對於古仔率眾演員合唱主題曲，她表示以前憑劇集《難兄難弟》帶挈出過唱片，已多年沒再唱歌，古仔即表示不排除日後跟她合唱情歌：「有需要會唱。」