昔日東方馬國明撐譚俊彥係時機攞獎！
馬國明、陳山聰、唐詩詠等前晚在銅鑼灣為無綫新劇《隱形戰隊》舉行煞科宴，由眾主角夾份宴客。馬國明入圍無綫台慶頒獎禮「視帝」最後5強，問到攞獎信心？他笑說：「隨緣啦，我都唔知道點解入到5強，今年好平均，睇吓邊個幸運啲。自己睇好譚俊彥，佢演技齊晒，係差時機，佢同《魷魚遊戲》主角撞樣，連人氣都有，今年就係時機。（唔想再攞視帝？）隨緣，情願將啲運氣放喺中六合彩度，我好知足，5,000萬就夠，中咗即刻唔拍劇住，放個長假。（唔係第一時間娶湯洛雯？）中咗再去諗點搞婚禮，希望有呢個幸運畀我啦！」
唐詩詠面上長了不少粒粒，原來是免疫力降低所致：「呢兩年太過勞碌嘅後果，依家有食物敏感，廿幾樣嘢都唔食得，好似米、豬肉、青瓜等等，由《白色強人II》開始擾攘咗9個幾月，醫生都要叫我唔好再拍劇住，要抖一抖，同公司攞咗半年假好好休息一吓。」陳山聰笑說：「都話你要嫁人㗎啦！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
