許家傑捱打撻低一片空白

藝人許家傑為拍攝《拳王》要接受連串訓練及操肌，他笑言視張振朗為標準：「不過我今次最大目標唔係增肌，而係要減磅，嗰時減咗十幾磅。」他坦言練拳時有受傷：「去到拳館同個真拳手上台打，佢用力一嘢掃我腳，我就成個人撻喺台，完全反應唔切，有幾秒個人空白咗，條腰好痛，個頭好似少少腦震盪咁，好彩唔係頭着地，最後冇事。」今次他與李君妍有感情線，笑言劇中最親熱的就是打拳「肉搏」戲，難忘其中一場對打：「我要激發佢嘅仇恨，要畀佢一路打一路講對白，又要就機位、燈光、拳，嗰吓真係好難，好彩完成到。」