昔日東方「宇宙最強」自爆弱點 甄子丹豬隊友 打機累街坊
武打巨星甄子丹昨日出席活動，提到日前他為細仔甄濟嘉慶祝14歲生日，他笑言緊接下場出席派對：「佢有好多同學仔，就番大家返學時間。前幾日喺自己屋企食飯，希望佢生日開心。」又指跟老婆汪詩詩送了遊戲機給囝囝，但爆對方冇節制，故要約法三章：「有條件交換嘅，對依家啲小朋友唔可以用以前舊式方法話『唔准』，反而要溝通、用鼓勵性方法啟發佢，而唔係強迫佢。（有咩規則？）都係畀老闆（老婆）話事。」
陪子女過聖誕
被譽為「宇宙最強」的他竟自爆有弱點！問到會否與細仔打機？他大呻被家人嫌棄兼排擠，並自認是「豬隊友」：「最渣係我，哈哈！一家人玩遊戲，我實輸嘅。（你讓賽？）真係最渣係我，佢哋成日笑我又慢又渣，有時要分開Team玩，冇人想同我拍檔，因為我實拖累佢哋，我完全係豬隊友！」
提到他獲國際知名雜誌選中成為今年300位「亞洲最具影響力人物」之一，其中演藝界佔21個席位，他謙稱：「有少少鼓勵性，證明我嘅努力冇白費，嚟緊想拍多啲精彩作品，依家就休息緊，趁住聖誕節陪小朋友，遲啲佢哋返學就冇時間。（如果將來仔女拍拖冇時間陪你呢？）喺我心目中佢哋全部都係Baby，但大個拍拖正常嘅。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
