酗酒賴前妻賓艾佛力被插渣男

荷里活男星賓艾佛力（Ben Affleck）最近接受電台名嘴Howard Stern訪問，將酗酒的問題推卸到女星前妻珍妮花嘉娜（Jennifer Garner）身上：「其中一部分我酗酒嘅原因，係我覺得被婚姻困住。我因為仔女而唔可以走，但我又唔開心，可以點？於是灌醉自己瞓梳化，結果都唔係好決定。」

他的此番言論不止被網友罵為渣男，有傳其現任天后女友珍妮花露柏絲（Jennifer Lopez）亦非常不滿，知情者透露：「佢（露柏絲）好嬲，佢因為同賓佬拍緊拖被拖落水，佢唔想上身。佢同過嘉娜見面，嘗試同佢同埋佢嘅仔女熟落。賓佬咁樣做係好鹵莽同唔顧人感受。」