昔日東方唐詩詠操肌「肉搏」陳山聰
藝人陳山聰與唐詩詠正為新劇《隱形戰隊》作最後衝刺，前日拍攝一場做Gym戲份，兩人即晒肌，山聰的胸肌、腹肌養眼非常，而詩詠就由骨感美人變為肌肉美人。事後她大喊鍛煉過程辛苦：「其實我都唔係淨係為呢一場戲，只希望呢個角色狀態要好好，所以專登去操，冇諗住畀啲肌肉人哋睇嘅，點知有呢場健身戲，依家拍到尾聲，我之前操嘅嘢已經冇晒，所以呢7日我就不停做Gym、跑步，食雞胸同雞蛋，真係食到想嘔！人生第一次咁驚啲雞蛋，雖然去唔番之前狀態，但之前操落都有個底，好過冇啦！我呢啲瘦底要大隻，訓練比其他人辛苦3倍，先有人哋嘅效果，成個過程真係畢生難忘！」
而山聰亦說：「呢兩個禮拜我好辛苦，又操又跑之餘，我完全一粒飯都冇落過口，淨係烚雞蛋白、雞胸，之後又要『甩水』，3日前飲咗19支1.25公升嘅水，排晒出嚟，今朝起身冇飲水，效果都算滿意！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
