閨蜜爆實況 李蘊：呢排冇見過Mark

G.E.M.、李蘊與賭王三房千金何超蓮情同姊妹，3人各有各忙，不過早前把握機會敍舊，並在社交網上載合照。李蘊現時身在廣州，問到可有聽聞閨蜜傳情變？她即緊張表示：「聽到好愕然！我呢排確實冇見過阿Mark，呢2個月只係見過G.E.M.兩次，佢做嘢會有其他人跟，阿Mark都有自己嘢要做，佢哋唔需要全程孖公仔出嚟。上次見G.E.M.係3個禮拜前，佢同何超蓮出席深圳一個品牌活動，叫我過去一齊玩。」她向G.E.M.了解情況後再回覆：「邊個爆料呀？我已經問咗佢，佢話冇事發生，大家唔使擔心！」此外，早前入院接受切除脊椎腫瘤手術、現時活動自如的她期待早日通關：「咁就可以返香港嘅屋企。2年冇返嚟，如果香港有品牌活動有興趣邀請我出席，我都願意接工作。」