練美娟冇要求 反而冇人吼

藝人練美娟最近到太古城中心的《怪獸公司》布置打卡，她直言聖誕未有異性約會，但不感寂寞，因有親友相伴，笑說：「已經幾年冇拍拖，亦招親咗好耐，但大家都冇乜意欲，我都無謂垂死掙扎喇！惟有工作填滿生活，聖誕冇人約個心都好過啲。」又自言擇偶一向冇要求，但覺得冇要求反而更強人所難，於是開出「條件」：「首要係高過我、錫我、傾到偈，小鮮肉都可以，但係思想要成熟過我。」她覺得識男仔靠朋友介紹比較穩陣，並不打算用交友app，因「照騙」案例比比皆是，認為面對面交流好重要。至於今年在劇集《大叔的愛》演出令人眼前一亮，問可希望做「女一」？她說：「又冇，做女主角壓力好大，我驚壓力大到會酗酒。」