中環開工酒客阻頭阻勢鄭嘉穎爆Seed 險開片

視帝鄭嘉穎近年專注電影事業，剛拍畢新片《G風暴》的他，坦言想不斷挑戰角色，令人生無憾！還笑稱「革命尚未成功，仍需努力！」若要他在家庭與事業上作抉擇，他指絕對會揀前者！

談到拍攝此片感受，嘉穎最難忘在中環拍攝時發生的一段小插曲：「場戲講我同Bosco（黃宗澤）畀人追斬，當時仲未有疫情，附近好多酒客見我哋拍戲就過嚟八卦，又要求入鏡，後來佢哋開始冇禮貌，我忍唔到頸就嘈咗幾句，係啲武師撳住我，如果唔係加多場動作場面都似，哈哈！」他坦承自己有不對的地方，若再遇同樣情況，會讓工作人員處理。問到是否好易「被撻着」，他說：「拍戲之外就係揸車，記得有次車住個仔，前面突然cut線，我大叫咗聲『打燈啦』！個仔即刻跟我講『打燈啦』！好彩我冇加多個助語詞，哈哈！」他指現時家庭放首位，做人老竇處事要更加小心。

為細路賺少啲但無憾

疫情關係，嘉穎2年未有到內地工作，但這段時間卻是他人生中較圓滿的日子：「要隔離21日成本太大，走得耐返到嚟啲細路會唔理我㗎！我唔會因為搵少咗而遺憾，但會因為冇得陪住佢哋成長而遺憾。」