葉巧琳專輯寫真扮濕身

歌手葉巧琳昨日現身新城電台宣傳新專輯，新碟中包含過去3年的歌曲及不少靚相，她說：「有造假嘅濕身相，其實係企喺塊濕咗嘅玻璃後面，好似濕身咁，因為想貫徹番之前幾首用水連貫嘅歌。」談到對樂壇頒獎禮獲獎信心，她說：「我從來都唔諗，都入行9年啦！只要有人聽到首歌就OK！」她又透露聖誕會演出音樂騷，現正忙於綵排，好高興今年達成多個願望。