「Winter Wonderland」開幕 林奕匡拖老婆「歐遊」 聖誕村寄情信

雷有輝、林盛斌、張嘉兒、顏子菲、湯君慈、湯君耀、麥雅緻、微辣成員Rachel阿嘈、Roberto（馬檇鏗）、霍哥、思男及數百型男美女，前日雲集亞洲國際博覽館出席「Winter Wonderland冰雪奇幻國度」開幕禮。典禮先由著名豎琴手卓康玉演奏著名聖誕歌《Rudolph the Red-Nosed Reindeer》揭開序幕，主辦機構GD Show Company Limited創辦人及董事何傲芝，以及亞洲國際博覽館首席策略總監劉小慧先後上台致詞，繼而舉行開幕典禮暨聖誕樹亮燈儀式，場面熱鬧。

開幕禮請來林奕匡任特別嘉賓，其太太李靄璣（Rikko）則任大會司儀，他即場獻唱名曲《頌讚詩》，悠揚樂曲配合歐陸節慶氣氛，為開幕典禮畫上圓滿句號。

現場充滿濃厚聖誕氣氛，更有不少超靚影相位，林奕匡與Rikko完成工作後即四圍打卡，更被該處由歐陸古樸木屋組成的大型聖誕市集吸引，Rikko大讚有氣氛：「大家好耐冇機會去旅行，喺香港有個歐陸風情、充滿聖誕特色嘅聖誕村，其實真係一個好好嘅拍拖勝地，亦係一家大細去玩嘅地方。我最鍾意嘅景點就係模仿芬蘭聖誕老人村內嘅郵局，我一向有寫明信片同埋秘密寫信畀老公嘅習慣，特別係以前一齊去旅行，又或者個別去旅行，我哋都一定會寫明信片畀對方㗎！」