公私兩忙 幾個月冇見 安芭遠距離撲滅愛火 SheShe戀玩完

35歲的安芭與40歲的Bianca於去年3月戀情曝光，但未能克服遠距離戀愛，被爆已結束1年情。安芭最近在英國倫敦與北德文區拍攝DC超級英雄片《水行俠》續集，又飛往歐洲擔任護膚品品牌大使，Bianca則留在荷里活工作，雙方已數月沒見面。

安芭今年4月透過代母誕下女兒Oonagh Paige後，生活起了很大變化，有知情者透露：「安芭係個好忙碌嘅女人，做新手媽咪外，又喺英國拍緊新片，Bianca就喺美國忙緊，好多工作。佢哋有幾個月時間唔喺同一個國家，加上要照顧初生嬰兒，只得好少空間談戀愛，兩個人嘅感情似乎已經轉淡。」雙方在社交網仍然有追蹤彼此的帳號，但已沒有讚好對方。

另外，安芭明年將繼續與美國男星前夫尊尼特普（Johnny Depp）為家暴誹謗案對簿公堂，似乎有排煩，沒心情拍拖。