陳凱詠開高衩 全場尖叫！

環球歌手陳凱詠（Jace）前晚在九展舉行首個個人售票演唱會，甫出場即以Rocker造型獻唱熱爆歌《天生二品》，其後換上高衩緊身戰衣，勁歌熱舞演繹新歌《收聲多謝》，引發全場尖叫！她邀得Serrini、師弟曾比特及MIRROR成員Anson Kong任嘉賓，又分享成長經歷，自爆小時候缺乏自信：「細個覺得自己唱得唔好聽，同人講鍾意唱歌，又怕畀人話發明星夢。嚟到呢個舞台，我想講有夢想但未達到時，要放膽去做，畀自己慢慢進步，終有一日達成夢想！」提及有朋友即將離港，她眼泛淚光唱出《Ciao》再感性說：「有人提點我要珍惜每個時刻，的確時間過得好快，多謝每個鼓勵過我嘅朋友。」