鍾柔美兩邊兼顧：幾辛苦都會堅持

講到炎明熹病倒缺席另一活動，Yumi驚訝表示不知情，Windy則謂前晚於《東華》見到對方有點攰。講到她們近期密密宣傳，又要兼顧學業，問到可擔心捱不住？Yumi說：「雖然又返學又做嘢有啲chur，但我哋開始適應，慢慢搵到好方法兼顧學業同工作，無論幾辛苦都會堅持，當然會畀自己休息，唔會夾硬。」Windy亦表示現時食得健康，一星期會做2、3日運動，希望保持好狀態。本月21日是Yumi 15歲生日，她笑言當日是假期前最後一日上學，仍未想到如何慶祝。