Kanye憑歌寄意求復合 Kim唔跟老公姓

美國饒舌天王Kanye West本月9日與加拿大天王Drake於美國洛杉磯開騷，Kanye前妻Kim Kardashian偕子女捧場，期間男方憑歌寄意，將2010年創作歌曲《Runaway》歌詞改為「我需要你跑回我身邊，明確地說係你，Kim」，觀眾聽後即歡呼拍掌。

今年2月Kim向法庭入紙申請和Kanye離婚，萬聖節期間，她搭上諧星Pete Davidson玩姊弟戀，而Kanye上月受訪時揚言想同老婆復合。雖然Kanye苦苦哀求復合，但Kim似乎無動於衷，被爆演唱會翌日向法庭入稟申請取消夫姓。一眾網民對Kanye求復合的反應兩極，有網民表示：「Kim，你千祈唔好中呢個陷阱呀！佢原先寫呢首歌嘅時候，根本就唔係講緊你。」