方紹聰揀女 譚嘉儀正過波波

由藝人方紹聰（奶仔）主持的J2節目《野外步出2》深受觀眾喜愛，節目中請來25位靚女嘉賓，令人目不暇給！日前奶仔受訪談到「眾美之最」，他指江嘉敏「最嘈」、朱智賢「最捱得」，至於「最動心」，他說：「論外形，當然係連曾志偉都讚嘅波波（黃婧靈），佢着美人魚泳衣時，真係連我都有啲尷尬，好誇張，唔敢直望。」不過令他真正動心的卻是譚嘉儀：「靚唔靚，好主觀嘅，但係喺節目入面，佢同我一齊唱歌，佢拎起支咪個人好似識發光咁，好亮眼，喺個3分鐘入面，真係好想同佢拍拖，笑起上嚟好似雅典女神咁靚。」問他可會索性展開追求？他笑言：「佢唱歌真係由心而發靚咗10萬倍，但我嘅『愛情』喺首歌結束之後都會完結。」