與香港劍擊隊合作出腕表 沈慧林撩張小倫格劍

沈慧林（William）昨日與劍擊運動員張小倫、香港劍擊隊法籍教練Gregory Koenig等出席《萬希泉x Popsible NFT發布會》，藝人莊思敏、梁麗翹及吳紫韻到場支持。席間宣布萬希泉與NFT平台合作，把師傅組裝陀飛輪腕表的珍貴片段變為產品，成為首個進軍NFT的鐘表品牌，William直言是新嘗試，把傳統工業與高科技結合。談及與NBA新秀球星LaMelo Ball共同創立的全新腕表首度亮相，他說：「希望將中華文化工序、香港中西合璧嘅文化推廣去外國。（點解有今次合作？）我鍾意睇NBA，之前喺美國讀書，所以鍾意籃球。」

William預告來年與張小倫、其教練及世界級劍擊裁判鄭智雄合作，推出以劍擊為主題的陀飛輪腕表，又笑言最近學劍擊，有機會想與小倫切磋：「劍擊係香港之光，小倫係大師兄，令呢個運動更多人認識。今次奧運咁成功，嚟緊又有亞運，希望可以持續。」他又大讚小倫有生意頭腦，近10年來做餐飲生意，更進軍內地。

今次腕表，小倫亦有份參與設計：「佢哋好快手，因為我哋好快要飛，佢哋一個禮拜都冇就設計咗隻表，好期待快啲面世！」William預計明年3、4月便能推出，屆時更會於紅隧口賣廣告，笑言睇中小倫顏值高，實力又強，小倫即笑言一眾朋友已準備去打卡。