黎諾懿被外母氹追個女

藝人黎諾懿的細仔「小冬牛」剛在前晚出生，他昨日即現身工展會活動，他說：「囝囝英文名叫Luca，外母話佢個樣似女，下一胎一定生女，啲長輩其實上一胎都咁講，我聽完呆咗。」問可考慮再追女？他指太太預計封肚，但假若上天再有賞賜亦會順其自然。又指已送6位數字的鑽戒給太太作獎勵：「最緊要夠大粒，太太話隻鑽戒係留畀啲仔女，聽完條氣順晒。」現時他有8名契女，但不會在契女中物色新抱仔，怕將來男女若有感情問題，或影響家長的友情。