昔日東方馬浚偉搵心悠密密斟：未來有好多合作！
馬浚偉與劉心悠多年前因合作無綫劇集《宮心計2深宮計》而結緣， 之後時有聯絡，甚啱「嘴形」，最近有傳「自由身」的心悠將加盟馬浚偉公司旗下，2人日前更被拍得同枱飲茶，只見心悠用心聆聽，似密謀大計中。
馬浚偉昨受訪時坦言的確跟心悠傾合作事宜：「係呀！我哋見面傾吓偈，之前佢都有上我個港台節目做嘉賓，我同心悠拍《深宮計》時已經好投緣，好欣賞佢好捱得、好專業、好有修養，不時都自求進步，佢係好另類嘅女藝人，內裏嘅宇宙好大。（係咪加盟你公司？）我哋係傾緊一啲嘢，但係乜真係唔方便講住！不過我哋喺性格同工作理念都好相似，只可以話我同心悠喺未來係會有好多合作。」
讚馬浚偉正能量
至於心悠被問到有指她會跟馬浚偉公司合作，甚至加盟旗下一事時坦言：「佢嚟緊係有一個新Project，確實係有搵我傾嘅！佢不嬲畀我嘅感覺都係一個充滿正能量嘅人，依家都係傾緊、籌備階段，大家仲要去詳談，可以講時會話畀大家知。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
