湯怡體驗失明：覺得特別恐懼

藝人湯怡（Kathy）、吳卓羲與潘燦良等主演英皇電影《致命24小時》，將於明年1月6日公映。首度演盲女的Kathy表示：「我特別去咗盲人中心做資料搜集，令我更加了解失明人士喺生活中點樣處理日常事務，例如用手機、煮食、照顧自己等。」更試過蒙着雙眼體驗失明人士的狀況：「原來人突然失去視力，會產生一種恐懼感，連平日做慣做熟嘅煮飯、劏魚，當你睇唔到，會覺得特別恐懼。演戲時同對手完全冇眼神交流，但咁樣都有個好處，其實我好容易笑，冇眼神交流反而少咗NG！」Kathy很感謝戲中施虐者潘燦良，樂意帶她入戲，令她演悲情戲時更加得心應手。