破解退休疑團 張敬軒長期守色戒 開騷破禁着Deep V

張敬軒與楊天宇昨日在中環出席活動，現場有近百名粉絲撐場。軒仔提到演唱會前所有事都要禁，唯獨不能禁食，問到是否需要禁色？他即笑說：「禁色好多年！」又自爆歌衫有大露背及超Deep V，笑言男人不一定要騷肌，準備將肚腩的肉向上推！

提到叱咤頒獎禮的「我最喜愛的男歌手」和「我最喜愛的歌曲」獎項都面臨MIRROR 「圍攻」，他表示入行多年仍然可以與新人爭獎，證明仍有號召力，並笑說：「我都即刻青春！覺得係良性競爭，好開心入圍，特別呢幾年嘅經歷，之前送走愛犬，覺得每日開心係恩賜，邊個攞都開心，大家有呢個心態，樂壇先好。」提到退出餐廳，他直言年多前有此意，全力發展唱歌事業：「不如將唱歌放重心，唔想畀人覺得我已經退休，會放9成時間喺幕前。」

至於天宇透露新戲《裡應外合》已煞科，早前為作品操肌減了14磅，現時體重已回升5磅。他自爆早前與對手馬思惠拍打戲時記錯招數，誤出勾拳擊中對方顎骨：「佢講唔到嘢，塊面紅咗腫咗，我即刻幫佢冰敷。佢好堅強，中拳都冇怨言。」並自言寧願被打傷，也不想打傷別人。