杜如風揈晒棺材本

日本旅遊達人杜如風昨日為日式餐廳開幕禮做嘉賓，喜獲大會贈送金色圍裙及一世任食和牛放題VIP卡！她笑說：「講到食和牛，我係坐亞望冠，但其實我食得唔多，只係嘴刁食得精！」疫情爆發至今有兩年，她扁嘴慘爆話足足有兩年半冇返「鄉下」，思鄉病爆發：「好痛苦！以前一年都會去5、6次㗎！（有冇諗過隔離都要去？）有諗過！但冇人陪我隔離好悶，遲啲通關即飛一轉揈晒啲棺材本！」