胡曦文教谷婭溦做生意

鐘錶界美女胡曦文昨日盛裝出席自家鐘錶品牌專櫃開幕典禮，多位嘉賓及圈中朋友現身支持，男友羅御軒、表妹谷婭溦、伍詠薇、陳逸璇等，場面熱鬧墟冚。其中谷婭溦更是瞓身力撐，由前一日開工直踩到場，難怪獲表姐錫到燶送贈限量新錶，她又指一直想跟對方學做生意，胡曦文即提議表妹設計首飾，再搭配由她設計的鐘錶：「然後搵埋佢做代言人，有靚樣唔好嘥！今次啲錶一推出就賣晒，對成績好滿意！」