波波預告貼身衫狂舞游嘉欣認輸同「性感」零關係

早前在台慶獨領「峰」騷的黃婧靈（波波），透露將穿瑜伽服為東華跳舞籌款，指服裝帶來活力與健康感，一同演出的游嘉欣則自嘲：「睇吓邊個着啫！着喺我身上咪淨係得活力囉！」

應屆港姐宋宛穎、梁凱晴、邵初，以及波波與游嘉欣等，昨日在將軍澳電視城出席《歡樂滿東華2021》記者會，波波與嘉欣將表演Shuffle Dance，雖然有舞蹈底子，但覺得這項表演是入行以來難度最高，嘉欣說：「難度在於要『光速腳』表演，雙腳冇得停，雙腳同時喺台嘅時間好少。」波波則說：「簡直跳到好似摩打腳咁！（舞衣好性感？）瑜伽衫，係活力、健康嘅感覺。」嘉欣卻笑說：「健康性感囉！睇吓邊嗰着啫，着喺我身上咪只係得活力囉！」波波笑言：「大家都活力。」對於台慶晒「駱駝峰」被網民封為無綫「新咪神」，她表示：「咩封號都冇乜所謂，大家開心就得。」

邵初養聲獻唱

至於一眾港姐會齊齊表演手語籌款，曾在薛家燕藝術學校上堂的宋宛穎，則會與家燕姐同台唱歌跳舞，問到是否表演「十字步」？她笑說：「應該唔係，仲未排舞，不過『十字步』就一定識跳。自己好少唱歌表演，今次都有啲緊張。」邵初則會與陳懿德在「卡拉之星」環節唱歌：「唱現場都有啲緊張，好彩有人陪。除咗練歌，呢排講嘢都唔會咁大聲，要好好養聲。」

另外，汪明荃與羅家英為折子戲《李娃傳》錄影，講到譚詠麟在內地捲桃色風波，羅家英指沒有聯絡對方：「應該冇啲咁嘅事，阿倫同我都咁上下年紀啦！」而阿姐指雖然平日少有聯絡，但亦不相信事件。