大仔生性懂事諸葛紫岐：佢真係長大

名媛諸葛紫岐（Marie）的長子Arthur前日8歲生日，一改以往作風，今年囝囝「下令」不搞生日會，一家四口在主題樂園度過，Marie說：「今年Arthur好認真同我講：『媽咪，我大個仔喇，你唔使幫我搞生日會，亦都唔需要送禮物，我想一家人去主題公園，開開心心一齊玩，就好足夠。』我聽到佢咁講，真係覺得不可思議。」

談到兒子猶如「小紳士」的表現，她表示：「Arthur唔想玩某啲遊戲，佢會話：『我唔係驚，係怕玩完唔舒服。』佢亦因為見弟弟唔夠高，有啲遊戲玩唔到，會主動話：『不如我陪弟弟玩啲佢可以玩嘅遊戲！』令我感受到佢懂事、細心同顧己及人，見到佢真係長大，我不得不認老，哈哈！」