昔日東方出碟兼搞音樂會 張天賦爭獎事小 力保健康
歌手張天賦（MC）、陳蕾及洪嘉豪昨日到中環出席「帝舵表專業潛水腕錶70年」活動，MC講到在叱咤頒獎禮「我最喜愛的男歌手」網上投票8強止步，他說：「8強止步已經好開心，慢慢嚟啦，仲有好長嘅路要行，對手已經出道咗幾年，我只係一年。（有冇諗過入5強？）一直保持好心態，對自己有信心，所以8強止步都冇唔開心，反而覺得更好，可以將所有力量投放喺下個月推出實體新碟同音樂會上。」
MC又指近期最重要是保持身體健康，因早前與洪嘉豪舉行音樂會後患上重感冒，病足一星期，令所有工作延遲：「我唔敢再畀自己病，唔想影響工作。」
陳蕾愛實而不華
陳蕾在「我最喜愛的女歌手」投票打入5強，她說：「好驚喜，因為上年12強止步。（進一步攞獎？）唔敢諗，要到宣布先知，好不可思議。」她歸功唱片公司，除了投放資源，亦讓她享有很大自由度，在沒有壓力下帶來開心的磁場。此外，她透露現時沒有儲名錶，但身邊朋友都喜歡錶，所以自己亦有留意，認為名錶保值，不過喜歡實而不華的款式，對鑲滿鑽石的反而興趣不大。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
