Ada仔冇眼睇！姜濤暗戀另有其人：係隔籬班同學

姜濤和AGA（江海迦）前晚錄影ViuTV節目《Chill Club》，提到姜濤被指曾暗戀Ada仔，他澄清：「我暗戀對象係隔籬班，個性比較低調嘅女仔，冇玩社交網，你哋搵唔到㗎喇，我想搵都搵佢唔到。我都有同Ada仔講加油，希望冇影響佢比賽。」他解釋完即抖大氣。

他表示會跟AGA合唱《I Know》，因早前透露最想合作的女歌手就是AGA，故促成今次合唱。而AGA被問跟男神合唱，會否惹朋友羨慕？她笑言事前瞞着所有朋友，並指大家都是首次同異性合唱，姜濤即拋出金句：「唔係男仔聲囉。」提到外界經常指MIRROR爆發「內戰」，他認為隊友們很用心唱歌，並非為爭獎。

至於Ada仔於社交網上載掩臉的黑白照，表示讀中一時與姜濤做了一年同學，其後對方轉校便沒聯絡：「所謂邊個欺凌邊個，或者我哋之間嘅關係，絕對唔係網上講嘅咁！」對於連累身邊人被起底，她感到抱歉，希望給予私人空間，不想為任何人帶來負面影響。