唱歌治療傷痛 Jessie J人工受孕 開騷前流產

現年33歲的Jessie前日於洛杉磯開騷前幾小時，網晒拿着驗孕棒的舊照，以心碎圖案開場，撰文表示：「尋日朝早我同朋友笑住講，我點樣可以聽晚喺洛杉磯開騷忍住唔同觀眾講我有咗？但到咗尋日下晝，我已經好驚喺個騷崩潰……我照咗第3次超聲波，醫生話我知個胎已經冇咗心跳。今朝我覺得控制唔到自己情緒，可能會後悔公開講咗，亦可能唔會，我真係唔知！」

目前單身的Jessie表示「獨自」造人：「我決定自己要個BB，因為呢個係我一直以來嘅夢想，而人生苦短。懷孕本身係一個奇迹，係一個我永遠唔會忘記嘅體驗，我知道我會再經歷。」雖然有人提議她取消演唱會，但她希望透過表演治愈傷痛，因小時候已經開始唱歌，是為了令自己開心、滿足靈魂與進行自愛的療程，現在也沒有改變。她收到樂壇好友安慰，英國女歌手Pixie Lott表示：「我為你送上好多愛！」

3年前Jessie與美國男星Channing Tatum拍拖，2年前分手後，去年又復合，但關係只維持3個月。之後她與Max Pham拍拖，上月宣布結束7個月戀情。