冒寒錄影飲到面紅 容祖兒首唱會冧歌迷 連踩10粒鐘

容祖兒前晚舉行網上新碟首唱會，每論場地布置或樂隊編排都一絲不苟，1小時的演出中，她換了4個造型，非常隆重。新專輯《薛丁格的貓Schrodinger's Cat》是她相隔5年的全新廣東碟，她直言很珍惜推出實體碟的機會：「呢張唱片由2018年開始做，好多首歌都係我當時心裏面想講嘅嘢。」她特別提到《明天見》是為當時一位剛過世的化妝師好友而創作，但因疫情關係，對象已變成很多人：「因為疫情，同屋企人、朋友、同事、歌迷都未必可以成日見，但我相信好快見到。」尾聲播出祖兒與歌迷互動及綵排片段，見她邊唱邊哭，場面動人。

首唱會結束後，祖兒繼續派福利，來個「After Party」直播，並邀得好姊妹蔡卓妍（阿Sa）擔任客席主持，由於冇化妝，阿Sa「見聲唔見樣」留在幕後，但仍不時閃入鏡為祖兒整理頭髮，又留意上鏡角度及位置，似足導演一樣。祖兒透露錄影首唱會當日天氣嚴寒，更錄足10多小時，認真辛苦。有網民見她面紅紅就問：「你飲咗酒？」祖兒直言：「有咁覺咩？好少啫！開心吖嘛！」有網民問鍾欣潼（阿嬌）在哪裏，阿Sa說：「佢好攰，喺屋企睇，頭先佢有喺度吔飯㗎！」

祖兒表示專輯內每首歌她都鍾意，因有很多感情在裏面；而阿Sa如Fans般推介祖兒的歌曲，包括《煙花紀》、《愛你愛我》、《心之科學》等，又拖埋阿嬌落水：「佢都好鍾意你首《東京人壽》，佢沖涼都唱㗎！」