昔日東方張振朗爭視帝零信心 譚俊彥目標入5強
昨日出席記者會的張振朗與譚俊彥雙雙入圍角逐「最佳男主角」，與馬國明、陳豪、黎耀祥及鄭嘉穎等爭獎。振朗在台上被問到睇好誰奪「視帝」時，他尷尬地說：「應該要揀自己嘅，都希望攞獎。」台下的無綫高層曾勵珍即鼓勵他：「畀啲信心自己！」
振朗受訪時被問到獲珍姐「加持」，可有增加得獎信心？身旁的譚俊彥插嘴說：「珍姐都叫你有信心啲。」他卻笑說：「都係冇信心，自己係一個好冇信心嘅人，珍姐咁講都係想畀信心我啫！《拳王》依家播咗2日，自己嗰部分已經做好，要睇大家鍾唔鍾意。」
而譚俊彥直言今年成為候選「視帝」，心情相當緊張，他笑說：「因為下年冇乜劇出街，今年除咗拍劇，亦做咗好多綜藝節目。自己嘅目標係入到最後5強，坐咗5年都未試過入5強，希望今年宣布獎項個鏡頭有我，會練習定拍手掌，希望一步一步嚟。」又指視帝對手多，讚各人表現同樣出色，視后方面他睇好黃智雯，振朗則睇好鍾嘉欣。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
