昔日東方處女劇12月有得睇 炎明熹戲精上身 話喊就喊
《聲夢》人氣王炎明熹日前在活動中不適跌倒，前日向粉絲報平安，承諾下次演出會付出200分努力。最近拍劇拍出戲癮的她，投入到隨時喊得出。
無綫「聲夢小花」炎明熹（Gigi）與歌手JW（王灝兒）日前在學校為新劇《青春本我》開工，Gigi放學後就趕來拍攝，一臉疲態。劇集快拍快播，已定於下月5日播映，Gigi坦言雖然辛苦，但相當享受過程，問是否拍出戲癮？她說：「係有咗投入感，開始有啲經驗，所以唔捨得。之前拍喊戲喊唔出，導演就引我喊。（點引你？）就係唔講得，因為唔係幾想用眼藥水，到第2次拍時我就Mood到喊得出。」提到角色如她本人一樣較文靜，她說：「咁樣容易少少，如果突然要我演啲活潑角色，可能難Handle（處理）啲。」
JW恨飲「陳豪咖啡」
劇中演其母的陳煒指她很瘦，所以不時為她買食物，Gigi開心說：「係呀！陳煒媽媽真好人，第一次見覺得佢做戲真係好犀利，之前收到劇本我有幻想畫面，到真係拍嗰日同我幻想嘅一樣，仲要係更加好！」Gigi日前出席公開活動時，因身體不適跌倒台上，她前日在社交網發文向歌迷報平安：「要大家失望同擔心，對不起。我現在好多了，亦會好好休息……下次我會盡200分努力唱歌畀大家聽。」
至於飾演輔導心理學家的JW透露在回憶戲份中可以穿校服，對此大感雀躍，笑言想做學生。問到會否再拍劇？她即表示：「我想㗎！我鍾意演嘅過程，唔好要我揀死一樣，我要唱歌、拍劇都做。」見她在現場自己沖咖啡，她即指周嘉洛現時跟陳豪開劇，常晒「陳豪咖啡」，她直言：「我好鍾意陳豪，好想試吓！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
