諸葛紫岐關注婦女權益 籲勇敢面對逆境

名媛諸葛紫岐昨日穿旗袍出席活動，她表示每次要履行會長職務都要着旗袍，笑言可凸顯東方女性美：「旗袍好自然令你舉止放慢啲，做事時更細心，係一件好事。」近年她投入推動及關注婦女權益事務，並從單親媽媽等不同背景的婦女身上獲益良多：「我接觸過好多唔同背景嘅婦女，例如單親媽媽、低收入家庭或有殘疾，大部分雖然係被社會忽略嘅一群，但佢哋憑自己雙手改變生活，佢哋風雨不改嘅堅毅不屈同勇敢，令我好敬佩，值得學習。我成日同囝囝講，人生最重要追求嘅係勇敢同自信，無論逆境順境，只要保持勇氣，就係開拓精彩人生路嘅關鍵，同時亦要懂得珍惜，一事一物都係得來不易。」