健達人：零運動！飽住瘦！ 戚黛黛生酮飲食搣20磅

零運動的前港姐戚黛黛花了2個月時間，靠「生酮飲食」減去20磅，由肥師奶變番苗條索港姐，可謂踏入40歲的最佳禮物！今次的起心肝減肥，主要是偶然在網上看見「生酮飲食」不用節食，對為食的她相當有推動力，於是跟隨網上食譜，慢慢摸索嘗試，她笑說：「唔使做運動、唔使捱餓就可以減磅，真係好啱我！我通常早餐加午餐一齊食，會食得清淡啲；晚餐就因為我夜瞓，會食得飽啲，唔想夜啲就肚餓，所以會食椰菜花飯、蒟蒻麵、煎豬扒之類。」