林溥來台慶見財化「水」李芷晴終極幸運兒獨擸38萬大獎

「六合彩女神」李芷晴前晚於台慶抽獎環節成為大贏家，獨得銀行存款及10両黃金共值38萬元的「終極大獎」。至於林溥來痛失2.5萬元大利是，事緣抽獎前他為好友朱凱婷買水，結果趕不及上台領獎，難怪朱凱婷事後自嘲：「飲咗全城最貴嘅水！」

前晚無綫台慶夜於歡呼聲下圓滿結束，不過林溥來（Patrick Sir）相當黑仔！抽獎環節期間，他為《東張西望》拍檔朱凱婷（Heidi）買水，碰巧「失蹤」時被抽中，雖然司儀不斷拖延時間，但最終要「再抽過」，結果由「頭皮」吳卓衡執二攤得獎。

「飲咗最貴嘅水」

Patrick Sir昨日於社交網「不開名」交代事發經過，之後受訪時才透露「當事人」是Heidi：「我見佢口渴，又着住高踭鞋，就話幫佢去買支水。係我唔記得咗有抽獎，返到廠好多人問我去咗邊，Do姐（鄭裕玲）幫我拖時間，Liza姐（汪明荃）又鬧鬼我，Heidi都好唔開心，老婆喺屋企睇話等極都等唔到我出現，依家個仔冇錢買玩具喇。」而Heidi坦言不好意思：「當大家知道後，就笑我飲咗全城最貴嘅水，又計住每啖值幾多錢！我已經第一時間同Patrick Sir道歉，佢冇怪我，後來我同佢講如果之後抽中我，大家一人一半啦，可惜幸運之神冇眷顧我。」又指返家後，老公問Patrick Sir有否生氣：「老公提議我哋請佢食飯，我就同佢講請唔起佢食25,000蚊嘅飯，但2,500蚊就一定得，問佢想食乜囉。」

至於前晚銀行存款及10両黃金共值38萬的「終極大獎」，由「六合彩女神」李芷晴獨得。問到如何運用獎金？她說：「會同屋企人分享，請大家食飯，同埋我最近開設畫廊，呢筆獎金正好用喺投資上。（做六合彩帶來幸運？）可能平時主持六合彩嘅時候祝福得大家多。」

炎明熹克勤壓軸合唱

完騷後，全台藝員大合照，由於人數眾多，工作人員不停重複讀出藝人名字，期間又試過「疊聲」，場面有少許混亂，擾攘十多分鐘後，才順利排位。服務無綫50年的汪明荃被安排企中間，身旁站着陳豪與李佳芯、王浩信與蔡思貝兩對小生花旦，而王浩信太太陳自瑤則站第3排中間，這對屢傳婚變的夫婦全晚沒甚交流。其餘獲安排企第一行的包括陳展鵬、湯洛雯、高海寧及馬國明等，馮盈盈則「跌」落第二排。而人氣強勁的「聲夢」歌手炎明熹企第4排中間位，又有機會與壓軸嘉賓李克勤合唱，地位超然。