Long D分手收場 許靖韻戀火未盡 不排除翻撻

她說：「真係因為Long D（異地戀）成日見唔到，同埋中間有少少諗法唔同，可能生活上或大家圈子有少少唔同，所以有矛盾。（關催婚或者第三者事？）唔關。」她指雙方仍有保持聯絡，不排除會復合：「有緣分會再一齊，但分手後都未見過，差唔多半年。」

單身半年的她直認現時有圈外追求者，她亦想嘗試與圈外人拍拖，但絕不再Long D：「如果兩個都係圈內好難見面拍拖，但同圈外人都有concern，因為未必理解大家嘅工作性質，驚有矛盾或衝突。」問到與追求者可有發展機會？她說：「因為嚟緊又要飛，自己唔係長時間喺香港，對對方唔係太好。（如果佢飛去搵你？）都可以嘅，哈哈。」

工作方面，Angela近日推出新歌《I'm Sorry》，唱出女主角在一段三角關係中的愧疚，她自爆很久以前試過精神上出軌：「會見面、短訊，關係曖昧不清，而本身嗰個就拍咗幾年拖，但最後都分開咗。（出軌時內疚？）一定會，但曖昧不清嘅關係只係維持咗好短暫，之後自己唔想再咁，同埋如果人哋咁樣對我，我都唔會開心，所以之後對感情都會專一。」