陳展鵬任抽水 想要亞視閃卡

陳展鵬、湯洛雯（靚湯）及黃智雯等昨日出席無綫新劇《隱門》（暫名）開鏡，飾演警花的靚湯將首度拍開槍戲，慶幸獲監製錫住，跳海場口由其他人負責。至於展鵬不乏動作戲，並預告跟吳岱融對打「報仇」：「我同佢拍過《乘勝狙擊》，畀佢連打十幾巴，眼鏡都飛甩，今次掉轉，我會打佢十幾拳！」談及舊東家亞洲電視推出「限量版閃卡」，有份成為閃卡主角的展鵬大方說：「幾好玩，最緊要開心，抽水大家都會，只要抽得開心。（唔介意？）唔介意，唔會咁認真，我係玩得之人，近幾年咁多我嘅新聞，我都係笑臉迎人。」又希望能獲贈一套。