劉溫馨怕昆蟲：諗起就覺得痕

劉溫馨於無綫熱播劇《換命真相》飾演情婦，笑言首嘗被綁架滋味：「當時去咗個荒廢地方拍攝，劇情講我被電擊同五花大綁，我好怕昆蟲類，諗起就覺得痕，所以拍之前四圍狂噴消毒藥水，但返到屋企都覺得係畀嘢咬，搞到沖涼沖好耐先覺得乾淨。」本月26日生日的她近日已展開連串慶祝活動，她說：「已經食咗好多蛋糕，好驚肥幾磅，所以要做多啲帶氧運動先搞得掂。」